[ad_1]
Alimi a fodya omwe anagulitsa fodya wao sabata loyamba la msika wafodya adandaula kuti sanalandirebe ndalama zawo pomwe msika walowa sabata yachiwiri.
Mmodzi mwa alimiwa a Msaiwale Zakaliya omwe analinso ndi anzawo ena oposa khumi aku Chamama m’boma la Kasungu ati ali kakasi chifukwa adatumiza msanga fodya kuti atumize ana ku sukulu.
Iwo ati malamulo amati alimi azilipidwa ndalama mmaora 24 asanadutse akagulitsa fodya wao koma akuluakulu a msika wafodya akuti sakulongosola chomwe chachedwetsa ndalamazi.
Mneneri wa bungwe la Tobacco Commission, Telephorus Chigwenembe wati bungweli linali lisanalandire dandaulo pankhaniyi ndipo alonjeza kuti afufuza ndikulumikizana ndi mbali zokhidzidwa kuti adziwe chomwe chachititsa izi.
Mkulu woona za fodya ku Kampani ya AHL group a Graham Kunimba anati tiwatumizire mafunso olemba kuti ayankhepo pa nkhaniyi omwe Zodiak yawatumizira.
Follow and Subscribe Nyasa TV :
[ad_2]
Source link
