Eng weider schlecht Nouvelle am nationale Konstruktiounssecteur: E Méindeg gouf um Bezierksgeriicht d’Faillite vum Daachdeckerbetrib vu Miersch gesprach.

Wéi de Contacto e Mëttwoch geschriwwen huet, wier d’Firma Toitures Martino zanter Méint an de Laberente gewiescht an d’Personal hätt scho mat der Faillite gerechent.

30 Salariéeë si vun der Faillite vum Betrib betraff, déi deels schonn zanter Méint op hir Paie waarden, wéi de Contacto vum LCGB gewuer gouf. Deemno wier d’Faillite net onerwaart komm. Am November d’lescht Joer hätte scho misse Camionnetten an anert Material versteet ginn, fir datt de Patron Scholden zréckbezuele konnt.