[ad_1]
រាជធានីភ្នំពេញ ៖ បាត់ប្រពន្ធមួយយប់ ស្មានតែទៅដើរលេង ខំដើររកស្រាប់តែមកប្រទះឃើញស.ពអណ្ដែតតាមទឹកទន្លេ នៅគល់ស្ពានព្រះមុន្នីវង្សទៅវិញ ។
ហេតុការណ៍នេះបានកើតឡើងកាលពីវេលាម៉ោង១និង១០នាទីរសៀលថ្ងៃទី២២ ខែមេសា ឆ្នាំ២០២៤ នៅចំណុចច្រាំងទន្លេត្រើយខាងកើត ស្ថិតក្នុងភូមិព្រែក សង្កាត់ច្បារអំពៅទី១ ខណ្ឌច្បារអំពៅ រាជធានីភ្នំពេញ ។
តាមប្រភពព័ត៌មានពីក្រុមគ្រួសារ បានឱ្យដឹងថា ជនរងគ្រោះមានអាយុ១៧ឆ្នាំ មុនពេលកើតហេតុ ជនរងគ្រោះបានបាត់ចេញពីផ្ទះមួយយប់មកហើយ តែក្រុមគ្រួសារមិនបានប្តឹងសមត្ថកិច្ចនោះទេ នឹកស្មានថា ប្រពន្ធខ្លួនទៅដើរលេង។ ដោយបុរសជាប្ដី និងម្ដាយ បានខំដើររកដែរ នឹងព្យាយាមទំនាក់ទំនងទៅមិត្តភក្តិផង នៅតែរកមិនឃើញ មិនមាននរណាដឹងថា ជនរងគ្រោះទៅណានោះឡើយ ។ រហូតមកដល់វេលាម៉ោង១និង១០នាទីរសៀលថ្ងៃទី២២ ខែមេសា ក្រុមគ្រួសារក៏បានផ្អើលថាមាន ប្រជាពលរដ្ឋប្រទះឃើញមានសពអណ្ដែតនៅច្រាំងទន្លេត្រើយខាងកើត នៃស្ពានព្រះមុន្នីវង្ស។
ភ្លាមៗនោះ បុរសជាប្ដី រួមនិងម្ដាយ បានចេញពីផ្ទះ សំដៅទៅកន្លែងកើតហេតុ រួចចុះទៅមើលសព មួយសន្ទុះទើបដឹងថាសពដែលអណ្ដែតនោះ គឺជាសពស្ត្រីជាប្រពន្ធពិតប្រាកដមែន ។
បច្ចុប្បន្នកម្លាំងការិយាល័យជំនាញផ្នែកបច្ចេកទេស នៃស្នងការដ្ឋាននគរបាលរាជធានីភ្នំពេញ បានចុះមកពិនិត្យសពនិងប្រគល់ឱ្យក្រុមគ្រួសារសាច់ញាតិធ្វើបុណ្យតាមប្រពៃណី ៕ (ដោយ ៖ រដ្ឋា)
អត្ថបទសរសេរ ដោយ
កែសម្រួលដោយ
[ad_2]
Source link
