Manera ta conoci y manera nos a yega di raporta tambe riba dje, tin un tekort grandi den Cuerpo Policial. Esaki a bin na atencion di altocomisario drs. Ramon Arnhem anto a bin tambe sosten y ayudo di parti di gobierno pa atende cu e asunto aki mas rapido posibel.
E aña aki mes lo cuminsa cu un klas chikito cu 11 studiante y otro aña lo cuminsa cu dos klas. “E ta necesario pasobra nos tin mester di hende anto e tekort aki den polis ta hopi serio. Dus mi ta hopi contento cu na e forma aki nos por bin cu colega nobo.”
E Cuerpo ta hopi agradecido na minister di Husticia pa su ayudo y sosten den esaki. E klas nobo ta realmente necesario segun Arnhem, cu ta bisa nos cu mester di colega nobo mas rapido posibel. E klas aki lo trata cu basis opleiding pa Polis y despues nan por bay diferente direccion of specialisacion.
“Mi ta probecha di uza e oportunidad aki pa invita nos hende homber y hende muhenan pa bira entusiasma pa join nos organisacion, bin reforsa nos organisacion.” Lo bin posicion nobo y klas nobo tambe, dus tur hende ta bonbini pa bin aplica.
Tin hopi interes, pero e procedura di seleccion ta hopi strak, bo no lo por zomaar yega bira polis. Mas miho bo prepara y mas hende bin aplica, ta mas lo por selecta.