[ad_1]
Diamars, 23 di april, ta e dia cu Windcreek a pone pa organisa nan Job Fair den cual nan ta duna informacion riba e vacaturanan cu tin disponibel. Esaki ta tuma luga na Renaissance Convention Center cu a cuminsa 09:00 AM y lo finalisa pa 20:00.
A habri e sala grandi di Convention Center unda na cada mesa tin ehecutivo y personal di e departamentonan unda cu tin vacatura habri.
Na porta ta para Estrella Hermsen Medina, Senior HR Business Partner di Windcreek Aruba, cu ta ricibi tur e aplicantenan pa un di e posicionnan habri. Interesante ta cu tin diferente doorprize pa e bishitantenan. Posicionnan ta habri no solamente den e hotel pero tambe na e establecimentonan di Star Bucks y Renaissance Island.
No mester lubida cu e propiedad ta inclui dos hotel, dos mall, dos casino y hopi mas.
E aplicante lo haya informacion di kico tur vacatura ta encera, pero tambe e oportunidad cu e compania ta duna pa e trahado sigui crece y no keda pega den un posicion henter su bida largo. Na Windcreek nan ta manera un famia, unda un ta yuda otro bay dilanti y haci e trabou di e miho forma pa duna e miho servicio na e bishitantenan.
E dia aki no solamente por aplica, por pasa den e parti di entrevista di biaha y kita tur cos for di man, en bes di spera e yamada pa presenta bek pa un combersacion.
Tur hende cu ta busca trabou, acudi na Renaissance Convention Center.