വിശപ്പിനെ പെട്ടെന്ന് ശമിപ്പിക്കാനുള്ള ഒരു എളുപ്പ മാർഗമായിട്ടാണ് റസ്‌ക് എന്ന പലഹാരത്തെ നമ്മൾ കാണുന്നത്. എന്നാൽ ആ എളുപ്പവഴിക്ക് തിരിച്ചടി നൽകുന്ന ഒരു വിഡിയോയാണ് സമൂഹ മാധ്യമങ്ങളിൽ ഇപ്പോൾ പ്രചരിക്കുന്നത്. തീർത്തും വൃത്തിഹീനമായ സാഹചര്യത്തിൽ റസ്‌ക് നിർമിക്കുന്ന വീഡിയോ കണ്ടതോടെ കിളിപോയ അവസ്ഥയിലാണ് നാട്ടിലെ റസ്‌ക് പ്രേമികൾ.
അമര്‍ സിറോഹി എന്ന വ്യക്തി ഷൂട്ട് ചെയ്ത ഒരു വിഡിയോയാണ് കഴിഞ്ഞ കുറച്ചു ദിവസങ്ങളായി സമൂഹ മാധ്യമങ്ങളിൽ ചർച്ചയായുന്നത്. ആനന്ദ് രൂപനാഗുഡിയാണ് ഈയിടെ സോഷ്യല്‍മീഡിയയില്‍ ഈ വീഡിയോ റീഷെയര്‍ ചെയ്തത്. ഗ്ലൗസോ ക്യാപ്പോ ഒന്നും ഉപയോഗിക്കാതെയാണ് തൊഴിലാളികള്‍ റസ്‌ക് നിമിക്കുന്നത്. ഒരാള്‍ ഒരു കൈ കൊണ്ട് മിക്സ് തയ്യാറാക്കുന്നതും മറ്റേ കൈ കൊണ്ട് സിഗരറ്റ് വലിക്കുന്നതും ദൃശ്യങ്ങളില്‍ കാണാം. ഇത് കണ്ടതോടെ വലിയ ആശങ്കയാണ്‌ ജനങ്ങൾക്കിടയിൽ ഉണ്ടായിരിക്കുന്നത്.
അതേസമയം, നമ്മൾ ആസ്വദിച്ചു കഴിക്കുന്ന പല ഭക്ഷണങ്ങളും ഇത്തരത്തിൽ വൃത്തിഹീനമായ സാഹചര്യത്തിലാണ് ഉണ്ടാക്കുന്നത് എന്നാണു വീഡിയോയ്ക്ക് താഴെ പലരും അഭിപ്രായപ്പെടുന്നത്.
If this is true, I dread having a toast again! 🙄 #Food #hygiene pic.twitter.com/VXP9dkFp8A
— Ananth Rupanagudi (@Ananth_IRAS) November 20, 2023